Acta Diurna 001

SCORPIO MARTIANVS
ACTA DIVRNA
RADIOPHONICA


ScorpioMartianus: Acta Diurna Radiophonica 9 [noni] Decembris 2008 [bismillesimi octavi] L. Amadeus Ranierius nuntians ex oppido Bethlehem in Pennsylvania salutem dicit.

• Rem Publicam Americanam copias "Magnorum Trium" venditorum curruum Americanorum fortasse emere nuntiat hodie Wall Street Journal.
( http://online.wsj.com/article/SB122875608562688401.html )

Detroíti Magni Tres societates autocineticae Generalia Motoria, Chrysler, et Ford ruinam argentariam se acceptare exspectantes Rem Publicam poposcerunt ut pecuniam multorum billionum dollaroum sibi solveret ne societates omnino fallerent. Democrati qui Congressum nunc gubernant proposuerunt consilium quo Magni Tres salventur Re Publica instituente societatibus autocineticis varias reformationes, inter quas "Caesarem Curruum," procuratorem reconstructionis industriae autocineticae. Etsi Congressus una cum administratione Bushi censet salvationem argentariam necessariam, singula hujus legis, qua $15 billiones [dollarorum] solvantur, adhuc non perficiuntur.

• Tumultus Athenis et Thessalonicae quadriduum perregisse nuntiat Ephemeris.
( http://ephemeris.alcuinus.net/nuntius.php?id=467 )
"Postquam Saturni die adolescens Athenis a custodibus publicis occisus est, graves tumultus in urbe die Solis facti sunt." Incendiis, autocinetis conversis, multisque vulneribus protestant. "Graeciae rectores polliciti sunt se accurate de juvenis morte investigaturos esse, quod tamen minime iram discipulorum placavit, qui universitatem occupaverunt magistris plerisque assentientibus."

• Illinoesiae Gubernatorem a FBI in custodiam comprehensum esse nuntiat Washigton Post.
( http://www.washingtonpost.com/wp-dyn/content/article/2008/12/09/AR2008120900987.html?hpid=topnews )
Democrata Gubernator Blagojevich arguitur conjurationis fraudis committendi atque corruptionis. Accusatus est Gubernator etiam sedis senatoriae Praesidentis electi Baraci Obamae licitatori maximi vendendae.

• Washingtoniam D.C. non paratam esse turbis grandissimis diei Inaugurationis nuntiat Washington Post.
( http://www.washingtontimes.com/news/2008/dec/09/dc-nightmare-looms-from-inaugural-crush/ )
Negotiorum ac rei publicae duces Lunae die monuerunt Districtum Columbianum haudquaquam 4 vel 5 milliones visitorum secundum numerum praedicatum novi Praesidentis Baraci Obamae videndi avidorum bene accommodaturam esse. "Logistice tumultuosum somnium" furutum esse inquit urbis Mercis Praesidens Jacobus Dinegar. Cibo, areis stativis, omnibusque necessariis deficere, etiam receptione telephoniorum cellularium.

Ita fine actorum diurnorum facto | auscultatoribus gratias agit ac valere dicit L. Amadeus Ranierius.